"آپے یار یگانہ"
"آپے یار یگانہ"
بت خانے وچ بت ہوندے تے بتاں وچ بت خانہ
بت بتاں دی پوجا کردے بتاں نال یارانہ
آدم دا خود بت بنا کے ، آپ اوہدے وچ لکیا
آپے بال چراغ دلے وچ لبھدا پھرے روزانہ
یار شرک تے تاں ہی ہوندا ، جے کوئ ہووے دوجا
آپے کثرت ہویا ماہی ، آپے یار یگانہ
اس دے روپ ہزاراں ویکھے حسن نو سجدے کردے
کتے حسن تے سڑدے مردے ، جیویں شمع پروانہ
اپنے آپ دی پوجا کردا اپنا آپ پجاری
اپنے آپ دا آپے عاشق ، آپے یار بے گانہ
ہسدا آپے روندا آپے ، آپ سیانہ چوکھا
آپ ہی نادان شاہد ، آپ دیوانہ
No comments:
Post a Comment